Achyutam Keshavam Lyrics in Sanskrit : Achyutam Keshavam Ram Narayanam, Krishna Damodaram Vasudevam Harim.
Achyutam Keshavam Lyrics in Sanskrit
अच्युतस्याष्टकम्
अच्युतं केशवं रामनारायणं कृष्णदामोदरं वासुदेवं हरिम् |
श्रीधरं माधवं गोपिकावल्लभं जानकीनायकं रामचन्द्रं भजे ||१||
अच्युतं केशवं सत्यभामाधवं माधवं श्रीधरं राधिकाराधितम् |
इन्दिरामन्दिरं चेतसा सुन्दरं देवकीनन्दनं नन्दजं सन्दधे ||२||
विष्णवे जिष्णवे शङ्खिने चक्रिणे रुक्मिणीरागीणे जानकीजानये |
वल्लवीवल्लभायार्चितायात्मने कंसविध्वंसिने वंशिने ते नमः ||३||
कृष्ण गोविन्द हे राम नारायण श्रीपते वासुदेवाजित श्रीनिधे |
अच्युतानन्त हे माधवाधोक्षज द्वारकानायक द्रौपदीरक्षक ||४||
राक्षसक्षोभितः सीतया शोभितो दण्डकारण्यभूपुण्यताकारणः |
लक्ष्मणेनान्वितो वानरैः सेवितो-अगस्त्यसम्पुजितो राघवः पातु माम् ||५||
धेनुकारिष्टकानिष्टकृद्द्वेषिहा केशिहा कंसहृद्वंशिकावादकः |
पूतनाकोपकः सूरजाखेलनो बालगोपालकः पातु मां सर्वदा ||६||
विद्युदुद्योतवत्प्रस्फुरद्वाससं प्रावृडम्भोदवत्प्रोल्लसद्विग्रहम् |
वन्यया मालया शोभितोरःस्थलं लोहिताङघ्रिद्वयं वारिजाक्षं भजे ||७||
कुञ्चितैः कुन्तलैभ्रार्जमानाननं रत्नमौलिं लसत्कुण्डलं गण्डयोः |
हारकेयूरकं कङ्कणप्रोज्वलं किङ्किणीमञ्जुलं श्यामलं तं भजे ||८||
अच्युतस्याष्टकं यः पठेदिष्टदं प्रेमतः प्रत्यहं पूरुषः सस्पृहम् |
वृत्ततः सुन्दरं कर्तविश्वम्भर-स्तस्य वश्यो हरिर्जायते सत्वरम् ||९||
Achyutam Keshavam Lyrics in Sanskrit Video Song :-